Tigsik nin Banwaan

Ni Sheila Cerujano

Tigsik ko ening mga nasa gubyerno
Pasista asin reaksyunaryo
Ginagaradan pati inosenteng tawo
Tanganeng mayu nang maginibo

Tigsik ko ening nasa trono
Mga langaw na nakatugdon sa damulag
Puerte an pagkurimaw asin pagdasmag
Sa tawong nagngungurangaw sa pagsakit na biyo

Tigsik ko ening nasa puwesto
Binebenta an serbisyo para sa tawo
Nagpaparisang mayung ibang gibo
Kundi magpasiram kan ibang hinimo

Tigsik ko ening Duterte
Nagsasaging saging kadto na sarong militante
Mala naghuba na kan saiyang prente asin motibo
Siya sarong urag uragon na berdugo

Tigsik ko ening Rehime
Bako man lamang dekadente
Dae daa nanggad mahagad tabang sa US na Impe
Mala ta hasta ngunian yaon an saindang presente

Tigsik ko ening mga nasa Gabinete
Saru sindang mga impertinente
Commission on Appointments, kaibahan digdi
Habu madukayan an rason sa pagreject ki Ka Paeng asin Manay Judy

Tigsik ko ening biktima kan paggadan
Siguradong eni pinaghinalaan
Daeng pagduwa duwang tatambangan
Kan Operasyong Tokhang nin kapulisan

Tigsik ko ening mga tawo
Ening mga daeng supog na lideres na pulpolitiko
Trapo, Dinastiya asin pasló sa pwesto
Satuyang pagsaruon an maray na paglaom na magtrayumpo

Tigsik ko an satuyang mga kusog
Maserbi ening pundasyon na pusog
Dae mapapasala an pagkakasararo
Eni bako lang sa tinampo kundi pakikibakang armado

You May Also Like

One thought on “Tigsik nin Banwaan

Leave a Reply

Your email address will not be published. Required fields are marked *